Guys, for today’s offroading vlog, finally tinuloy namin yung Kinabuan Falls sa Tanay, Rizal—yung trail na in-abort ko 2 years ago kasi stock height pa yung Hilux ko. This time, naka 2" lift na ako and 33" tires, so ibang confidence na talaga. From Sta. Ines, nagbayad kami ng Php50, then derecho na sa wild trail na may more than 11 water crossings, rocky sections, at mga technical na akyatan kung saan kailangan mo talagang pumili ng tamang linya. Sa video, pinakita ko rin paano ako mag-line choice sa mga bato—minsan mas okay i-straddle, minsan mas okay iakyat mismo yung gulong sa rock para hindi tumama sa ilalim (oil pan, diff, stepboard/rock sliders). Nag-air down din kami after the second river crossing para lumambot yung gulong at mas comfy yung ride. May naging issue pa nga sa isa sa Patrol—hindi nag-eengage yung front axle dahil sa hublock, so kinailangan niya magbigay ng momentum para makatawid. After more than an hour of crawling, nakaabot din kami sa parking ng Kinabuan Falls in one piece—no major damages, except may ilang underchassis hits si Andy (part of the game). Nag-lunch kami sa jump-off point, then pauwi, same technical parts ulit plus inabutan pa kami ng ulan. Air up sa dulo, then uwian bago dumilim.