Nan videyo sa a, mwen pataje 4 bagay ou bezwen si ou vle sonnen bon gitaris, kèlkeswa stil ou ap jwe. Premye bagay la se originalite: lè moun tande w, yo dwe ka di “oh, se li menm” paske son ou ak fason ou fraze a pa jis kopye. Pou mwen, originalite se idantite w sou gita a—sa ki fè w diferan. Dezyèm lan se kreyativite, paske se pa tout gitaris ki kreye. Mwen pale sou enpòtans pou w pa rete sèlman ap repete “legacy” lòt gitaris; fòk ou kapab kreye solo pa w, kreye mizik pa w, epi pote pwòp lide pa w. Twazyèm lan se improvisation: yon gitaris dwe kapab improvize sou nenpòt tip mizik—jazz, blues, rock and roll, nenpòt vibe. Dènye a se ekzekisyon: gen bagay ki deja egziste (akompanyman, solo klasik, pati ki etabli), e fòk ou respekte yo epi jwe yo byen, ak bon “feel” ak presizyon. Se 4 pilye sa yo—originalite, kreyativite, improvisation, ekzekisyon—ki fè diferans lan.