Hello mga kapisda, sa video na ’to sinagot ko yung tanong ng co-habi natin: “Bakit kakapalit ko lang ng tubig, nag-cloudy na naman?” Ang pinaka-common na dahilan niyan, nag-100% water change tayo. Kapag binigla natin yung aquarium, nababawasan o naaapektuhan yung beneficial bacteria na tumutulong mag-stabilize ng tubig—lalo na kung cycled na yung tank. Kaya ang lagi kong suggestion, weekly water change lang tayo ng 20% to 50% para hindi nagwawala yung cycle at mas steady yung linaw ng tubig. Kung talagang kailangan mo mag-100% water change, may paraan pa rin para hindi totally ma-reset: itabi mo yung lumang tubig sa separate na lagayan at doon mo ilubog yung filter media/pump/filter para hindi mamatay yung bacteria. Huwag na huwag huhugasan sa gripo at lalong huwag sasabunin ang aquarium—punas at banlaw lang. Pag refill, mas okay gumamit ng stock water (naipahinga mga 1 week), poso/deep well (walang chlorine), o purified water. After nun, ibalik agad yung filter; normal pa rin na mag-cloudy ng konti, pero usually lilinaw yan within 18–36 hours. Kung hindi pa rin luminaw after 2 days, mag-20% water change ulit at lagyan ng water conditioner para makatulong magpalinaw at mapabilis ulit ang cycle.