Good morning mga kapisda! Sa video na ’to sinagot ko yung tanong na madalas niyong i-comment: “Boss, pwede ba magpalit ng tubig 100% kung mineral naman yung tubig?” Una, nilinaw ko yung tungkol sa mineral water vs purified water. Yung mineral water kasi galing sa ilalim ng lupa at mataas ang minerals niya (magnesium, calcium, potassium), kaya hindi siya basta-basta safe gamitin sa aquarium—mapapansin niyo pa minsan may lasa. Ang mas okay gamitin, purified water na nasala (refilling station) o kaya tubig gripo/tubig ripo basta i-stock muna natin ng 3-4 days, mas maganda 1 week, para mawala yung chlorine at bumaba yung kung ano mang nakakasama. Then tungkol sa 100% water change, sa shop ko hindi talaga ako nag-100% lagi. Madalas 30% to 50% lang depende sa dami ng isda at taas ng TDS (total dissolved solids). Pwede tayong mag-100% water change pero dapat tama ang proseso: ilipat muna yung isda sa lalagyan na may tubig galing sa aquarium, at yung filter huhugasan sa lumang aquarium water para hindi mamatay yung beneficial bacteria. Kapag nag-100% ka kasi, nababawasan yung beneficial bacteria at posible mag-cloudy yung tubig after 2-3 days dahil parang hindi na fully cycled. Basta gawin lang nang maayos para iwas water shock at iwas patay, happy fish keeping mga kapisda!