Is vlog mein main aapko apni Hartalika Teej celebration USA mein leke ja rahi hoon—bilkul real immigrant mom life style mein. Sabse pehle hum Indian grocery store (Patel Brothers) gaye pooja ka samaan lene, aur main aapko store ka pooja section bhi dikhati hoon—coconut, lotus flower, bel patra, aam ke patte, pooja plates, aur kitni festive vibes already start ho jaati hain. Beech mein thoda fun bhi ho gaya—parking lot wali chhoti si incident pe humne India vs America driving culture ka bhi compare kar liya. Phir raat ko 10 baje ke baad main baith ke mehndi lagati hoon using henna stencils, because honestly mujhe mehndi lagani aati nahi hai. But stencils se next morning mujhe itna clean design mil gaya ki main super-duper happy thi—aur do din baad color aur bhi dark ho ke aur pretty lagne laga. Next day Teej ke din humne morning pooja ki, aur main share karti hoon ki meri first Teej se hi mere husband aur main dono fast rakhte aa rahe hain—yeh hamare liye ek bahut special tradition hai. Evening mein main ready hoti hoon, full festive look mein, aur phir hum Shiv parivar ki pooja karke celebration complete karte hain.