في هذا الفيديو خديتكم معايا لولاية سكيكدة، وحدة من أجمل الولايات في الشرق الجزائري، وين تقدر تجمع بين البحر والغابة في نفس الرحلة. بديت بأول بلاصة: شاطئ بونشم، وورّيتكم حتى “ليكيب لابلاج” اللي سميتوها المقيسبة، ومعاها بلاصة صغيرة قريبة تقدروا تديروا فيها كومبينغ. الحاجة اللي عجبتني بزاف هنا هي النظافة والهدوء… بصح قلتها كيما هي: خلوها نقيّة، خاطر ما يعرفوهاش بزاف عباد وراهـي كنز لازم يبقى محترم. من بعد رحنا لشلالات زمامريّة (حوّاد زمامريّة) وديكورينا الشلال الأول والثاني والثالث. الطريق فيها طلوع وهبوط شوية صعيبة، وزيد الشلالات كانوا ناقصين بزاف في الماء، بصح الجو والمنظر يريّحو. وختمناها في غابة تيزغبان بروندوني خفيفة حتى وصلنا لبلاصة الكومب: نعيّطوا للنار، نجيبوا الحطب، ونطيّبوا الكسرة في المقلة. حتى كي تغيمت الدنيا والريح دارت حالتها وولّت تبان الشتا، بقات التجربة بنينة… سكيكدة بصح تستاهل.